KURTL KREISCH

Des is a Konzeat

vom Kuatl Kreisch.

Di Musik is von mia

und di Texte auch.

I schreib Notn dafia

und fia di Probe oaganisia

i zehn helle Bia,

di i brauch (fia di Bend).

Oba da Josef Jaul

schaut si des aun und sogt:

»Um Gottes wün!«

und is echt geschockt.

»Den Schaß schbü i net,

des kaun ma net schbün,

des geht afoch net.«

Na geh i hob ma

doch so vü Mühe gem,

di Hamonin

san genial unbequem.

Di Texte reimen si

unglaublich guat

und si teimen si

des geht echt ins Bluat.

Daun sog i: »Ia griagts

dafia oba Göd.«

Si schüttln die Köpf

dass sis net dafia schteht.

Es gabat sovü Göd

net auf da gaunzn Wöd.

Si schbün nie des

sondan Tschess!

Mia san daun scho weg.

Schpü die Zedee hoit Bläbäk

auf dein Kompiuta ein,

des wiad sicha fein.«

I bin deprimiat

und sea indigniat.

Wos soi des heißn?

»Gehts scheissn!«

Do drahn sa si um:

»Mia mochn mit.

Di Lieda san zwoa dumm,

oba eh a Hit.

Mia gengan jetzt

auf an Pfiasich-Möba

und daun schbü ma des

SÖBA!«