KURTL KREISCH

In da Frua bin i vaschwundn.

Do haums mi schtundnlaung net gfundn.

Nua wea mi kennt waas wo i bin:

In ana Sitzung mittndrin.

Duat wo mi endlich kana schteat,

des ist wiaklich Goldes weat.

Und es kennts nocha sogn, wos woits,

auf meinen Haufn bin i stoits.

Des feut so sche,

des feut so schtoak,

des feut unglaublich oag.

Wos kauns Schenares nua gem,

ois disn Teu von mein Lem.

Wenn i an Fiaka siach,

zwa hoabe Rappm zach und schiach.

Da Kutscha grantig und gemein

schlogt seine Viecha, bledes Schwein.

Den Pfeadn is des völlig Blunzn,

sie faungen aun sich anzubrunzn.

Do haum die Weana wos zum schaun

und di Tuaristn schpeim si aun.

A di Hund am Trotoa

mochn draus a Pissoa,

lossn oft an Haufn liegn.

I bin scho meamois einegschtign.

Bin knöchltiaf darin vasunkn,

bist du deppat, des hot gschtunkn.

Daun bin i in a Kaufhaus einekreut

und hob die Scheiße fein vateut.