KURTL KREISCH

Auf an Aumt wea i no amoi a Bombm schmeißn,

auf an Aumt bring i olle amoi um.

I wea denen auf ihre Aktn scheißn

und daunn wühns im braunen Gatsch umadum.

I wea ihnan die Schprechschtundn duachanaunda bringan,

weu i kumm daunn, waunn i net deaf.

Mi außezweafn wiad ihnen oba net gelingan,

weu i daunn scho mei Handgranatal weaf.

Daunn wiads an riesngroßn Krocha mochn

und die Beaumtn pickn olle aun da Waund.

De Oaschlecha wean daunn sicha nimma lochn,

weu des Bluat rinnt ihna litaweis übas Gwaund

Die Köapateile wean duach die Gegnd fliagn

und die Knochn liegn olle frei.

Die Marodn wean massnweis am Bodn liegn

und i hob mein Schpaß dabei.

Die Sirenen wean heun und die Alamglockn klingln

und es wiad a riesn Wiabl sein.

Die Kiewarei wiad des Aumt umzingln

und a jeda aus Aungst vua mia schrein.

Und daunn wea i sogn »Heasts Buaschn paßts auf !

Mochts kan Föhla, hoits eich zruck min Schiaßn.

I hob no a poa Geisln vua mein Krochnlauf,

wenns an Bledsinn mochts, wea i s umbringan miaßn.

I wü eich eigentlich nua eapressn,

daß es in die gaunze Wöt funkts,

daß de deppatn Beaumtn anscheinend vagessn,

daß mia se bezoin und net se uns.«

Und i waß scho genau, wos daunn a jeda red:

»Daß a deswegn sovü Menschn umbrocht hot«

Oba i wea sogn: »Menschn woan des net,

des woan Beaumte, um die is eh net schod.«

Baumte gibts sowieso zvü auf da Wöt.

I bin eigentlich sogoa dafia,

daß a jeda an Oadn kriagt, dea an Beaumtn töt,

und aunfaungan kennts damit glei bei mia.

Oba ans sog i eich glei in olla Kloaheit,

und i hoff, daß des a jeda vaschteht:

Es is a Beaumta, dea ma den Oadn valeiht.

Und des übalebt a sicha net.