KURTL KREISCH

Du host an Blick dea geht ma

duach und duach.

Du waaßt Gschichtln, auf die i

so vü gean huach.

Waun i dei Haund schpia auf meina Haut,

klopft mei Heaz so wüd und laut

und i waaß: Jetzt oda nie

mog i di.

Wemma wo gengan nimmst mi

aun da Haund,

wemma wo sitzn huck ma

eng beianaund.

Und foast ma daun no übas Hoa

fühl i mi so wundaboa.

Und du sogst: «I brauch di

und du mi.«

Du kaunst so wüd und a so

vuasichtig sein.

Maunchmoi grob und meistns

zoat und fein.

Du bist so groß und winzig kla,

da Mittlpunkt oda alla,

Äsi - Disi

oda Filhamonie.

Du host an Blick dea geht ma

ziemlich am Oasch.

Du waaßt Gschichtln, die san so

moabid und moasch.

Waun i dei Haund schpia auf meina Haut,

klopft mei Heaz so wüd und laut

und i waaß: Jetzt oda nie pock i di.